الرئيسية
عزيزاتي و خواتي العضوات و المشرفات
عندي بنت عمرها 3 سنوات و ولد عمره سنتين و هلا أنا حامل و
الحمدلله و كمان شهرين موعد ولادتي بإذنه تعالى
هم بيناموا عندي بالغرفة .. كل واحد له سرير بس شو الي بيصير
كل ليلة !!
لما يجي وقت نومهم طبعا من بعد ما يتعشوا سواء حليب أو عشاء
عادي بلبسهم ثياب النوم و بعدين بستلقي أنا بوسط سريري
و واحد بيستلقي على يميني و التاني على شمالي و بحكيلهم
قصص (من اختراعاتي طبعا ) هيك لحد ما يناموا بس صارلي
أسبوع ما بستلقي معاهم .. كل واحد بياخد موقعه عالسرير و أنا بجلس
بينهم بدون ما أكلمهم و بيناموا بعدين
و بالليل بنتي و ابني بيتركوا أسرتهم و بيناموا بينا أنا و زوجي و شوفوا
المصارعة على أصولها و طبعا أنا الي باكلها عشان بطني و البيبي الي فيو
الله يعينه صراحة
هذه معاناتي يوميا و مو عارفة كيف أخليهم يصيروا يناموا لوحدهم و ما
يتركوا أسرتهم بالليل لاني بعدين ما رح أكون فاضيتلهم متل هلا و رح
يغلبوني كتير
حابة أستفيد من تجاربكن في تعويد الأطفال على النوم لوحدهم
و آسفة كتير عالإطال
