يسألونا..لماذا نحبك يا اسطورة هذا الزمان؟!!!!

لماذا نحبك يا أسطورة هذا الزمان

موضوع كل يوم بنتكلم فيه
وكل يوم بنلاقي حاجه جديده بتحببنا فيك
عملت فينا أيه يا تامر؟
من كره لاعجاب لحب حتي وصل الحب الي عشق
عملت فينا أيه يا اسطورة الزمان؟
احكي فيك ايه ولا ايه؟؟
يا اجمل انسان شوفته في حياتي
من طيبه وقلب طيب واحساس وحب وصدق
مش لاقي فيك كلام يا تامر والله
الكلام ده جوايا وجوه كل واحد فينا
هنا في اللفرز جمعت 210711 شخص في حبك
هنا في اللافزر علمتنا كتير اوي
هنا في اللفرز حبنا ليك مايتوصفش
اكيد انت حاسس بكل حب واحد فينا ليك
اكيد حاسس بشوقنا لرؤيتك
اكيد نفسك تفرحنا كلنا
هنا في اللفرز كل واحد مشتاق ليك بطريقة فظيعه
وانت عارف كل ده يا تامر
بس مش هتقدر تتخيل في ناس هنا بتحبك بطريق ماتتوصفش
كلمه الجنون شويه والله
عارف يا تامر انت عملت فينا كده ازاي؟
بصوتك الروعه
باحساسك الرهيب
بطيبة قلبك الفظيعة
بحبك لجمهورك اللي هو احنا
واخلاصك لينا
وحبك انك تفرحنا دايما
لما تحرم نفسك من النوم والاكل
وتنام في اليوم 4 ساعات
عشان تعمل حاجه تفرجنا
لما تسيب كل حاجه وتيجي لينا عشان تكون معانا وتفرحنا بيك
لما تسافر من القاهرة لاسكندريه وبدون بودي جارد
وتعمل فطار علي حسابك وتفاجئ جمهورك
عشان تفرحهم وتكافئهم
لما تستقبل اي حد في بيتك وتسلم عليه وتحضنه اكنه اخوك وصحبك




مش ممكن في انسان وفنان بالطيبه والحب ده لجمهوره

هنا في اللافرز كونت جيش يا تامر قرب من الربع مليون
هنا في اللفرز بنرد علي اي حد يتكلم عنك
هنا في اللفرز بنشوف اخبارك وكليباتك واغانيك وبنحللها
هنا في اللفرز بنتعلم منك كتير اوي اوي
هنا في اللفرز حب لفنان بطريقة ماتتوصفش
هنا في اللفرز عرفت اجمل واحسن اصدقاء في حياتي
هنا في اللفرز اتعلقت بناس كتير اوي اوي
كلنا هنا متجمعين في حبك يا تامر
اكيد يا تامر تعرف الميتنج اللي بنعمله كل فتره في مكان مختلف
اللي بنتجمع فيه لحبك
وانت حضرت ميتنج الفطار في اليكس
انت في اي ميتنج بتكون السبب في تجمعنا
انت اللي بتوصل الناس والاصدقاء ببعضها
انا اول مرة حضرت ميتنج للرابطه كنت طاير في الفرحه
وتاني ميتنج حضرته وكان ميتنج تالت يوم العيد في حديقة الازهر
بجد ماقدرش اوصف فرحتي في اليوم ده كنت فرحان فيه بطريقه فظيعه
لما كلنا نتجمع في حبك واشوف اصحابي واخواتي اللي عرفتهم في بيتك تامر لافرز
لما اشوف ام وبنتها بيحضره ميتنج للرابطه قد ايه الحته دي خلتني فرحان من جوايا
وفخور اني من رابطه تامر حسني لما ام تحضر ميتنج في حب تامر وتتجمع معانا
انت مش اسطورة من فراغ يا تامر انت مش ناجح من فراغ انت تعبت وربنا عوضك تعبك ده
بحب الناس وحب الاطفال والشباب والكبار
وبدعوة احلي ام ماما فاطمه لما قالتلي في اتصالها في البيت بيتك لما قالت :
(تامر يستاهل كل خير...تامر ابني...وفي نفس الوقت ابويا وابو ابوه وابوه اخوه...وابونا كلنا..
من وهو صغير...شايل الحمل وهو صغير وهو اللي شايلنا وهو الأب الكبير...هو اصغر واحد فينا...
لكن هو الكبير بتاعنا....ربنا يكرمه وربنا يحنن عليه طوب الارض ....والسما تمطرله والأرض تنزرعله برضا تامر)
ودعوة ماما فاطمه اتحققت يا تامر الحمد لله وطوب الارض بيحبك




في كل ميتنج كلنا متجمعين في حبك وكلنا بنحب بعض وبنخاف علي بعض وفرحانين بعض
وبنغني اغانيك وبنتكلم عنك وعن الرابطه
كلنا عارفين بعض وبنحب بعض اوي
ومين السبب في كده انت يا اسطورة
لما تعلمنا نعمل ميتنج للخير
ونتبرع بالدم ونتبرع للخير
غيرت جوانا حاجات كتير يا تامر
بعيدا عن المجال الفني واغانيك وافلامك
تامر حسني الانسان مش الفنان غيرت فينا حاجات كتير
خليت الاطفال والكبار قبل الشباب يحبوك
جمعتنا في حبك علي الخير

كتير من كارهيك يا تامر بيقولوا علينا هايفين
بيقولوا بتحبوا تامر ليه؟
كتير من اللي بيكرهوك مايعرفش يعني ايه جمهور يحب فنان من قلبهم بجد
مايعرفوش يعني ايه تواضع فنان وحبه لجمهوره بيخلق ايه في الجمهور ده بتواضحه وحبه ليهم
مايعرفوش يعني ايه لما فنان يرتبط بجمهوره ويسميهم ملايكته واخواته واصحابه
مايعرفوش يعني فنان بيخاف علي مشاعر جمهوره وبيكتب تحت اغنية من اغانيه
(رجاء لمن ينطبق عليه كلمات الاغنية عدم سماعها مع شريك حياته)
أول مرة في حياتي اشوف فنان خايف علي مشاعر جمهوره من اغنيه بيغنيها
مستنين مننا ايه يا كارهي تامر ؟!!! نكره تامر بعد كل اللي بيعمله عشانا ؟!!

كارهي تامر كتير بيسألوني ليه بحبك يا تامر؟

وردي ليهم كالتالي:

انا كنت زيكم كده بكره تامر اوي اوي اوي
وعشان بكرهه كنت اعمي عن كل حاجه بيعملها
ومش بحاول اعرف عنه حاجه
ولما سمعت اغنية كل البشر
حسيت ان تامر بيغنهالي انا
بيكلمني انا
ورحت ادور علي فيديوهاته واخباره وافتح عنيا شويه
وقتها عرفت اني كنت غبي اوي وبحكم بالكلام والاخبار الكدابه
لما اروح اشوف فيديو تامر وهو بيتكلم عن حبيبته واشوف احساسه وصدقه والاقي دموعي بتنزل لوحدها
لما اروح اشوف تامر ووالدته بتكلمه في برنامج البيت بيتك وبتدعيله واشوف الطيبه في عنيه ودموعه
لما اروح اشوف تامر وهو بيغني اغنية امي ثم امي في الاستوديو والصدق طالع من قلبه وبيعبط وحميد الشاعري بيهديه



ربنا يخليكم لبعض يا تامر ويخليلك احلي ام في الدنيا (ماما فاطمة)

كل ده يخليني ازاي ماحسش بالانسان ده واحبه
والرد كالعاده يا عم ده تامر ده بيمثل
اقولهم حتي دي تامر قالها في برنامج واحد من الناس وشوفتها بعنيا
قال زمان الناس دلوقت بتقول ده تامر ده بيمثل بس ينفع امثل علي ربنا يا استاذ عمرو الليثي

الاقي كارهي تامر سكتوا

ويدخلوا في نقطه تانيه ويقولوا يا عم تامر ده اصلا مالوش فيها اخره يأجر جمهور ويعمل حفلات ويبين انه ناجح

طبعا اضحك باستهزاء واقولهم فعلا كل دول متأجرين
روحوا شوفوا تامر لما نزل سوريا لاول مرة
كان مأجر 30 الف مستنينه عند المطار
روحوا شوفوا تامر في كل حفلة بينزلها المغرب
مرة 200 الف ومرة 250 الف واخر مرة 400 ألف
انتوا يا عيني بتضحكوا علي نفسكم للاسف
ومحسن جابر قالها في برنامج بلسان معارضيك
تامر ممكن يأجر الف الفين تلاته بس في حد يأجر نص مليون يحضروله في حفلة المغرب



طبعا يسكتوا ومايقدروش يتكلموا

ويدخلوا في اي حاجه تانيه تطلع تامر وحش
ويقولولي ده يا عم واحد فرحان بشعر صدره عيب عليه حتي يعمل كده

اقولهم صح عندكم حق
طب بالله عليكم ماشوفتوش الفنان كذا والفنان كذا والفنان كذا
اللي فاتح القميص
واللي مبين شعر صدره
واللي مش لابس اصلا
ليه ماتكلمتوش علي كل دول وجاين تتكلموا علي تامر
انا اقولكم ليه عشان قلوبكم فيها حقد وفيها غل تامر
وعنيكم عمرها ماهتشوف تامر غير وحش لانكم من جواكم كره وغل وبس



طبعا يسكتوا ومايقدروش يتكلموا

وكالعاده يدخلوا في حاجه تانيه يقولولي يا عم روح شوف كليباته والموديل العريانه اللي بيجبها معاه
وشوف افلامه وبيطلع ازاي فيها والاباحيات في الكلام

طبعا استغرب اقول موديل وعريانه واضحك باستهزاء
الناس دي بتتكلم عن انريكي اجلاسيوس وشاكيرا ولا ايه
فين الموديل دول والموديل كلها عاديين جدا
اقولهم روحوا شوفوا كليب كذا وكذا وكذا
اللي جايب موديل مايوهات
واللي عمال طول الكليب يعمل حركات غريبه
كل دول ماتكلمتوش عليهم ليه
يا سبحان الله دنيا ماشيه بالمقلوب
وبالنسبه للافلام دي بقي اضحك فيها اوي اوي
كلام اباحي ومشاهد مش كويسه يا سبحان الله
انتوا مش بتشوفوا افلام ولا ايه
ارجع بيكم لاول التسعينات كده واقولكم شوفتوا فيلم كذا وكان طالع فيه ازاي وبيعمل ايه
ولا اقولكم روحوا شوفوا افلام اليومين دول وشوفوا الكلام وشوفوا المشاهد
وشوفوا الفرق الشاسع بين فلام تامر والافلام دي



طبعا كده نو كومنت وكالعاده يسكتوا

وبردو يشوفوا اي حاجه يطلعوك وحش فيها يا تامر
ويقولولي هو اصلا ده مغني ولا ده صوت ولا دي كلمات ولا دي اغاني

اقولهم فعلا تامر اغانيه والحانه وكلماته وحشه
واهو الاغاني دي كلماته والحانه

حبيبي وانت بعيد
قولي بحبك
لما بتكون بعيد
ولا حرقه دم ي
يا نور عيني
هوصلك
انا ولا عارف
ارجعلي
افتكرلي
عنيها دمعت
اصعب احساس
يارب انا تعبان
روح قلبي
ماتوصنيش
قسمه ونصيب
قلبي اللي حبك
بغير عليها
تعال ارجع تاني
قفلت قلبي مع أحمد متولي
اطمن مع محمد رحيم
كام واحد فينا
بتصعب عليا نفسي
واحنا مصريين بجد
ولحن اخترت صح
ولحن لأول مرة مع كريم محسن

كل دي اغاني وحشه ولا في كلمات ولا في صوت ولا في الحان

وشريط الجنه في بيوتنا اللي تامر اول واحد يعمل شريط اجتماعي ومن كلماته والحانه
وبعد كده بدأ المغنين تقلده في الحته دي



بجد والله نو كومنت

طبعا كالعاده يسكتوا ويشوفوا اي حاجه تانيه

ويقولوا واللي يخنقك يا اخي انه واخد جايزة اسطورة القرن علي ايه واسطورة القرن ازاي مش عارفين
وفين كذا وفين كذا وفين كذا

اقولهم جايزة اسطورة القرن دي لو حد خدها غير تامر تبقي ظلم لتامر
لان مافيش فنان شامل زي تامر وناجح في كل مجالاته
مغني
ممثل
ملحن
كاتب اغاني
كاتب افلام
مخرج
وصحفي
وسفير للخير
وسفير للنوايا الحسنه
وسفير للطفوله
وصاحب اكبر شعبية حاليا في مصر والوطن العربي
وجمهوره بالملايين والحمد لله

تامر اضاف للغناء العربي والمصري شكل جديد
تامر اول مغني يعمل شريط اجتماعي من كلماته والحانه
تامر اول مغني يغني اغنية بالعربي والاجنبي والراب
تامر اول مغني يغني اغاني بتحكي عن مشاكل الزواج
تامر أول مغني يخلق طابع جديد في حفلاته من الوطن العربي بأضافه الغناء المسرحي
والكثير من العروض والحضور والتنظيم
تامر المغني الوحيد اللي بيعبر عن اللي جوانا
تامر المغني الوحيد اللي عمل حفلات خيرية في حب مصر
تامر اللي فكر الاول يعمل حفلة لمنكوبي السيول
تامر المغني الوحيد اللي بيجدد من نوع اغانيه وبيحكي عن كل ظروف المجتمع



غني للحب
غني للفراق
غني للشباب
غني لمشاكل الشباب
غني للاطفال
غني للخير
غني للأم
غني للأخ
عني للأب
غني عن المشاكل الزوجيه
غني الاغاني الهاديه
والاغاني السريعه
والاغاني الحزينه
غني لفلسطين
غني للكبار
حتي الشعبي غناه
غني الاغاني الاجنبي
خلط الاغاني العربيه بالاجنبيه
غني اغاني دينيه
عني اغاني وطنيه
غني اغاني اجتماعية



ازاي فنان كده مايكونش اسطورة القرن
علي رأي جمهور المغرب
تامر يلقبونه باسطورة القرن ونحن هنا في المغرب نطلق عليه اسطورة هذا الزمان



أسطورة هذا الزمان (تامر حسني )

هيتكلموا يقولوا ايه بيسكتوا كالعاده يا تامر


ولسه مش عارفين بنحب تامر ليه يا كارهي تامر

لما تامر يرفض استلام جايزة اسطورة القرن لوجود اسرائلين في الحفله
لما تامر يرفض اكثر من عرض للغناء في الخيم الرماضينية
لما تامر يقف بجانب الممثلين والمغنيين واصحابه في وقت شدتهم
لما تامر يغني لفيروز ويقف معاها في ازمتها
ويغني للراحل احمد زكي الله يرحمه
لما تامر مايسبش صديق ولا مريض ولا عزاء الا لما يحضره ويقف جنب صاحبه
لما تامر يحرم نفسه من النوم والزواج والاكل وكل حاجه عشان يفرح جمهوره ويكون عند حسن ظنهم دايما
لما تامر يكون شرف لينا خارج مصر وممثل لينا في الدول العربيه والاوربيه
لما البلاد التانيه تحسدنا علي تامر ويقولوا احنا بنحسدكم ان تامر حسني من عندكم
لما تامر يوصل بينا للعالمية ويكون الفنان العربي الوحيد اللي يعمل دعاية شركة بوليس للنضارات ويكون شرف لكل عربي
لما تامر يجيله عرض من شركة انتاج عالمية من امريكا للعمل الالبومات القادمه معاها ويوصل للعالمية ويكون شرف لكل مصر
لما تامر يعمل خير ويقف بجانب منكوبي السيول والجمعيات الخيرة والتبرع بالدم وحفلات حب مصر والمستشفيات













ياااااااااااااااااه اقول ايه ولا ايه ولا ايه
والله العظيم يا تامر لو فضلت اتكلم عنك ماهخلص كلام
والمشكله انهم بيسألوني بحبك ليه؟
-----
لا اعلم اهو داء ام دواء
ام طير يغرد في السماء
عيناه ليس بها مكر ولا دهاء
فيها كل ما في الحـــياء
أغانيه تقول كــــــــــلام
يشفي كل من به داء
حيران ليل نــــــــهار
لا ادري اهو ماءأم هواء
ماذا فعلت بي يا اسطورةالزمان
جعلتني كالهائم في الصحراء
جعلتني ضعيفا كالأعداء
منسحبا امام صوتك للوراء
حبي لك بعد كره وعناد
واليوم انت تجري في الدماء
لا استطيع أن أنام
دون ان اسمعك في المساء
ليت حبي لك اعجاب
لكنه في جسمي كالدماء
لا استطيع النسيان
فـأنت عضو من الأعضاء
أحبك ياأسطورة هذا الزمان
فأنت في قلبي والأحشاء
أألام علي حبك يا ملاك
أألام لأني أحب الحيــــاء
حبي لك فاق الخيال
لما في عينيك من وفاء
سأظل احبك يا فنان
سأظل أحبك صيف شتاء




عرفتوا ليه بنحب تامر بقى ولا لسه ؟
الكلام ده موجه لكل الناس اللي عايزه احنا بنحب تامر على ايه وعشان كمان اللي بيكرهوا يتعلموا منه برضه :)

معلومة:- اغلبيه الصور من عضو معانا في الراابطة وكلمة لافرز في الموضوع تعني رابطة او محبي او عشقي ^_^