معتقدات شامية

معتقدات شامية
السلام عليكم ورحمة الله وبركاته

مرحبا شباب وصبايا المنتدى الحبيب
اليوم أخوكم ALine
جايب لكم موضوع خفيف وظريف
من الشام
راح أحكيلكون شلون تربينا
وشوية عن معتقدات الجدات


الله يرحمنا جميعا
تابعونى
و100 أهلين وسهلين ...



*اذا انكسرت كاسة يقال: انكسر الشر


* اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)


* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )


* مراششة الميه فراق (ما بصير حدا يرش رفيقو بالمي لان بعدين بيتفرقوا )




* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين


* اذا اجت الكندرة فوق الكندرة يعني رايحين مشوار


* اذا زحف الولد او زقزقت العصافير معناها جاينا ضيوف


*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل




* اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا




* اذا رفت عيني اليمين بيكون جاينا خبر طريف

*اذا رفت عيني الشمال بيكون جاينا خبر مو منيح

* اذا حكتني حاجبي= الحواجب معناها بدنا نستقبل حدا جاي من السفر


* و ما بصير الحمام بالليل


*و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن)



*واذا شفت مقص مفتوح لازم فورا تسكرو ( لانو المقص الفاتح تمو بيعمل خناق )



*وما بيصير نفتح ونسكر المقص كتير كمان بيعمل خناق



*وإذا عمل العصفور تحتو على الأواعي =ملابسنا يعني جاييكون رزقة


*و دلق= سكب القهوة رزقة


*و شرب المي بعد القهوة قلة زوء


*إذا حتكني كفي اليمين معناها بدي أقبض مصاري

*
و إذا حكتني كفي اليسار معناها بدي أدفع مصاري



*و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه



*وكمان يلي حامل بصبي بتتباشع

*و ببنت بتحلا


*و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة

هدا دليل على انو هالشخص ناقص


*واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة


*والي بعد النجوم بيطلعلو تالولات بايدو


*وبعد ما نخلص صلاة نطوي السجادة مشان الشيطان ما يصلي عليها (معلش خليه يصلي وياخود ثواب.


ما رأيكم دام فضلكم

للتفاعل اختار الشى اللى راق لك
وعلق عليه
و100 أهلين


ALINE