Calcio 26 :: ميلن متصدر - نابولي وانتر وراه - انقلبت ع الجميلة ومصباح العجوز خربان

السلام عليكم ..

الكالتشيو في هذي السنة مولع ومبهرنا وشفنا كم منافس ومنافسين جدد يدخلون يعني هذا السنة ..
شفنا شيء حلو جداً .. في الجولة الي راحت شفنا ديربي إيطاليا وإنحسم طبعاً للسيدة العجوز بهدف ..
وشفنا أشياء كثيرة والحين إن شاء الله أبقدم الجولة 26 بس خلنا نشوف أول شيء وش صار في ..
الجولة الي راحت من كل حاجة .. ووش صار لممثلينا في البطولات الاوروبية ..


الجولة الي راحت ..



في هذي المباراة الميلان عمل عمايله وهزم بارما بكل سهولة وأنهاها من البداية .. أربعة أهداف ..
هي كانت محصلة هذي المباراة .. الميلان قدر يخلص المباراة من بدري ويرتاح .. الهدف الأول ..
سجله سيدورف في الدقيقة 8 بتسديدة حلوة وكانت هذي بداية قوية للميلان .. بعدها ومن أسيست ..
مجنون على غير العادة بين كاسانو وجاتوزو ينفرد الداشر كاسانو ويسجل أول أهدافه مع الميلان ..
طبعاً الفريق كله إرتاح لأنه ضمن الفوز مع إن نتيجة 2 دائماً تخوف .. ميلان أنهى الشوط الأول ..
شبه مرتاح بهدفين من سيدورف وكاسانو .. بعد مرور حوالي ربع ساعة سجل روبينهو الهدف ..
الثالث ليضمن بعدها الميلان الثلاث نقاط ورفض روبينهو تنتهي المباراة بدون ما يسجل وسريع ..
سريع سجل الهدف الي وراه 65 .. الميلان أنهى المهم وفاده تعثر الإنتر ..




كافاني كالعادة يستلج ويشبك في مرمى رُوما ثنين .. روما كان جاي من هزيمة شوي ثقيلة من ..
الإنتر 5-3 وتحس المعنويات ززفت .. زيادة غياب قلبي الدفاع بورديسو ومكسيس ومع وجود ..
جوان والي صاير نكبة من تالي الوضع كان يخوف للرومانيستا في الدفاع .. الشوط الأول كان ممل ..
شوي .. بعدها وفي الشوط الثاني وخصوصاً في الدقيقة 49 جت ضربة جزاء مشكوك في صحتها ..
للنابولي بعد تمثيل هامسيك ويحسبها الحكم بلنتي ويجي يشوتها كافاني وتصقع في العارضة وتدخل ..
وكافاني جاء وأكدها وإعترضوا لاعبي روما وكانت هذي السالفة جاء عليها نقاش كبير مرة في ..
إيطاليا .. بس بعد الإعادات بينت إنها تعدت الخط والحكم ما عرفنا حسبها من البداية ولا بعدين ..
بس كافاني صار بكذا 20 هدف في 25 مباراة .. شيء كبير صراحة ..




فيورنتينا والي إفتقدنا له هذي السنة لأننا ما شفنا إبداع منه يفاجىء الكل ويهزم باليرمو وفي ملعبه ..
في صقلية بأربعة أهداف لهدفين .. بدأ باليرمو التسجيل عن طريق باستوري في الدقيقة 7 بعدها ..
عدل جيلاردينهو في الدقيقة 36 وإنتهى الشوط الأول .. في الشوط الثاني وبعد ثلاث دقايق من ..
بدايته سجل لاعب اليوفنتوس السابق نوشيرينو الهدف الثاني .. وفي الدقيقة 70 سجل كامبوريسي ..
اللاعب الصغير في العمر هدف التعادل وبعدها إنفتح دفاع باليرمو أكثر من هو مفتوح وقدر الفيولا ..
يستغل هذا ويسجل هدف بس من لاعب باليرمو بلازي في مرماه وبعد عشر دقايق سجل مونتليفو ..
هدف ذبح فيه أحلام باليرمو وخلص على المباراة ليفوز الفيولا أول فوز لهم خارج ارضهم ..




لاتسيو يكمل حلمه بان يكون من الأربعة الأوائل في الدوري ويفوز فوز سهل على بريشيا المهدد ..
بالهبوط .. سجل أهدافهم غوزاليس في الدقيقة 18 وفي الشوط الثاني شجل كوزاك قاهر الميلان ..
هدف في مرمى فريقه السابق وما شفنا فرحة منه .. بهذا الفوز لاتسيو يثبت أقدامه بين الأربعة ..
الأوائل بس لازم يحرص لأن الي وراه كثار ويخوفون ..




سامبدوريا رجع للإنتصارات مرة ثانية بعد غيبة .. الفريق تغير عن العام من بداية السنة .. يعني ..
العام المركز الرابع والحين في مؤخرة الترتيب .. إضافة إلى إنتقال باتزيني وكاسانو ممكن اثـر ..
المهم سامبدوريا فاز على بولونيا 3-0 سجل الأهداف .. بدأ سامبدوريا التسجيل في الدقيقة 8 ..
جابه الكابتن بالامبو بعدها بثلاث دقايق سجل لاعبهم جاستاليديو .. وبعدها بأربعة دقايق سجل ..
ماكروني نجم سيينا وباليرمو السابق هدف يوم إنفرد بالحارس وسحبه وسجل .. بكذا أنهى ..
سامبدوريا الشوط الأول بقوة بـ3-0 .. في الشوط الثاني قدر بولونيا يقلص الفارق في الدقيقة ..
65 سجله لاعبهم بابوني ..




جنوى الغريم التقليدي للي فوق تعادل في مباراة سامجة مع أخر الترتيب باري والي شكله أول ..
المودعين لنا وبيروح للسيريا B .. طبعاً المباراة ما كان فيها أي شيء .. جنوى كان له ..
بعض الفرص ما قدر يستغلها وبعد باري هو الثاني ما قصر في تضيع الصُور ..




كالياري مع دونادوني عامل شغل كبير والله .. فاز على كييفو فيرونا والي مقبل على مباراة صعبة ..
مع الميلان .. كالياري فاز 4-1 سجل لكالياري .. سجل كونتي في الدقيقة 19 بعد عشر دقـايق ..
سجل كاتيني .. وقبل نهاية الشوط الأول بدقيقة سجل نيني الهدف الثالث وبكذا ينهي كالياري الشوط ..
الأول متقدم بثلاثة أهداف بقوة .. الشوط الثاني رجع نيني وسجل في الدقيقة 71 الهدف الرابع ..
لكالياري وقبل نهاية المباراة حلف كييفو والي ويسجل لاعبه ثيريو في الدقيقة 84 ..




كاتانيا يفوز في مباراة ضعيفة المستوى مع ليتشي .. كاتانيا يفوز بنتيجة 3-2 يسجل كل الأهداف ..
كاتانيا طبعاً سجله 45 سيلفستر ويعدل بعدها في الدقيقة 56 نيفاس ويرجع ليتشي بقوة ويتقـدم ..
عن طريق مونـاري في الدقيقة 61 .. وبقوة كبيرة لوتشي يرجع ويجيب هدفين في خمس دقايق ..
يمنح فيها الفوز لكاتانيا وفي الدقيقة 90 ينطرد لاعب ليتشي جيكومازي ..




أودينيزي يكمل إبداعه ويصك تشيزينا بثلاثة أهداف نظيفة .. أودينيزي برأيي أتوقع لهـم ..
موسم حلو وممكن ياخذون مركز لليوربا ليغ وبأكثر شيء ممكن لدوري الأبطال مع إني أحسها ..
صعبة مع كثرة المنافسين .. طبعاً سجل اهدافهم في الشوط الأول دي ناتالي في الدقيقة 41 وبعدها ..
في الشوط الثـاني السويسري أيلنر في الدقيقة 69 وبعدها بست دقايق رجع الهداف المميز صراحة ..
دي ناتالي ويحط له بصمة بالهدف الثالث .. صراحة توني أدري إن حارس تشيزينا عمر 41 ..
يا ساتر .. أنا شفت الإعادة من عبدالله الحربي وشكله ما علق عليها مباشرة لأني سمعته ..
يقول الهداف كافاني 20 وبعده دي ناتالي بـ18 ثم حس على نفسه وقال بيصير 16 وحوس أكثر ..
وأكثر ثم قعد يتكلم عن شيء ثاني ..




مباراة الجولة .. اليوفي الكبير جداً يستلج قدام الكبار ويهزم الإنتر بهدف الهداف المميز ماتري والي ..
لقط الإنتر بهدف حلو .. المباراة كان ينتظرها الجميع مع إنها مضمونة للسيدة العجوز .. بس ..
صراحة اليوفنتوس قدم مباراة حلوة وحتى المعلق رؤوق خليف وموب مني هذي مع إنه زي رأيي ..
قدم أحسن مباراة له هذا الموسم وكلامه صح بكل صراحة .. شفنا تنظيم حلو للدفاع ولكل شيء ..
اليوفي الكبير قدم مباراة الموسم .. المباراة شهدت تألق جميع لاعبي اليوفي عدا البدلاء الأغبياء ..
وشهدت تضييع إيتو لفرصة ما تضيع أبد بس الحمد لله ضاعت .. مبرووك لنا اليوفاوية وهاردلك ..
للإنتراوية ..

-

المباريات المؤجلة ..



الإنتر في مباراة مؤجلة من زمان لمشاركته في كأس العالم للأندية والي حققها .. لعب مع الفيولا ..
والي جاي من فوز حلو له على باليرمو بألأربعة وفال أمها الفريق .. المهم الإنتر رجع لسكة ..
الإنتصارات وفاز على فيورنتينا بـ2-1 .. سجل أول شيء للإنتر كامبوريسي لاعب الفيولا خطأ ..
في مرماه في الدقيقة 6 ثم عدل الفيولا الوضع في الدقيقة 33 عن طريق الظَهير باسكوال ثم ..
إنتهى الشوط الأول .. في الشوط الثاني سجل للأنتر باتزيني في الدقيقة 62 ليعطي الإنتر ثلاث ..
نقاط مهمة عشان يلحق بالمتصدر ميلان .. شفنا في هذي المباراة مشاركة للاعب الفيولا المبدع ..
الداشر الكبير أدريان موتو وشفنا صراحة لمسات حلوة منه ..



ديربي جنوى .. ديربي الإثارة والندية والحماس والفلة والهواش بين الجيران .. طبعاً وضع ..
الفريقين كلهم موب مسقر وموب ثابتين على أداء بس الديربي له وضعه الخاص والي يخلي كـل ..
فريق يبي الفوز ولا شيء غيره .. طبعاً الديربي إنتهى لجنوى بهدف مزعه لاعب شالكه السـابق ..
البرازيلي رافينها وعطا جنوى الفوز في مباراة مهمة معنوية ..


ترتيب الدوري كامل بعد هذي الجولة ..