[ تغطيتي الخاصة ] لـ معسكر البايرن منشن في أكاديمية سباير بـ دوحة قطر ..

-

Ping !!!
Ping !!!
Ping !!!
Ping !!!

- هلا ؟؟؟!!
- فاضي هـ الويكند ؟؟
- ايهـ .. لا تقولي تبي تروح قطر !
- ايه و الله وش رايكـ ؟
- قدام خخخ

كذا بكل بساطة قررنا نروح معسكر البايرن في الدوحة بداخل أكاديمية سباير أنا و زميلي ..
كل شيء جا بوقت غلط .. لا أنا الفاضي و لا هو اللي فاضي .. بس تسنح لنا فرصة نشوف البايرن مرة ثانية ؟؟ ممكن بعد سنين و سنين .. حرام تتفوّت ..
اتفقنا يوم الأربعاء الساعة 9 العشا نحرّك من الخبر .. الخطة إننا نتوقف في الاحساء الساعة 10 و نص عند أحد الزملاء نشوف عندها مباراة أرسنال و المان سيتي .. ثم نتعشى و نكمل السير ..



الدوحة مدينة جميلة جداً
تذكرني بالخبر و الاختلاف البسيط إن الخبر ما فيها ناطحات سحاب و أنا إنسان أخق مع ناطحات السحاب بقوة ( الصورة مب لي طبعاً )

وصلنا الدوحة على الساعة سبعة الصباح ( اربع ساعات بالضبط من بيتنا للخبر لسرير الفندق بالدوحة ) ..
كنا ميتين من التعب .. تمرين البايرن الفترة الصباحية من 11 الصباح لـ 1 الظهر و حنا مخططين نجلس الخميس بس .. و الفترة المسائية من 6 لـ 8 ..
ما لنا الا ثلاث ساعات ننام ثم نقوم نروح أكاديمية سباير ..
نمنا و قمنا و استحمينا و لبسنا و ركبنا السيارة و بالسرعة القصوى على أكاديمية سباير ..
لكن للأسف انصدمنا إن التمرين الصباحي انلغى لظروف المؤتمر الصحفي اللي يسبق مباراة البايرن مع الوكرة القطري بكره السبت ..
انقهرنا أيما قهر لسببين الأول اننا ما جينا الا عشانهم و الثاني كنا ميتين تعب و قمنا بالموت لعيونهم و لكن للأسف !!!! طبعاً ما درينا ان التمرين ملغي إلا من شخص سوري هناك و أيضاً خمسة ألمان ..

لكن الشيء الجميل في روحتنا إننا جلسنا نتمشى في الأكاديمة العملاقة
شيء يصعب الخيال عن وصفه .. لا من من منشآت و لا من تنظيم و لا من كل شيء ..
قسم بالله ودي أراكض في الملاعب الخضرا اللي حولي و جلست أتخيل نفسي لاعب كبير هههههه